Запись - Анекдот на чеченском

Анекдот на чеченском

Мотт бастар



Шина вешин урдо хилла юкъах лелош, т1ехь йийна хьаьжк1а а йолуш. Воккхах волчу вешин ц1е Мука хилла. Жимах волчо зуда ялина шо долушехь, Мука мотт бастийтаза хилла несе.

«Ялол, хьаьжк1ана асар дина дог1ур вай», – аьлла цкъа Мукас несе. Йист ца хуьлуш, шен метиг а белш т1е а тесна, т1аьхьа х1оьттина нус. Урдо доккха хилла. «Х1ара асар тахана чекхдаккха г1ерта хир ма вац х1ара», – ойла йора несо.

Д1а ма кхеччи, ка-тоьххана асар долийна Мукас. Делкъана мукъне садо1ур ду бохуш 1ийна нус. Мичара, Мука-м дагахь а ца хилла асар дечуьра саца.

Марвашас садо1уш ца хилча, нус а д1аг1иртина кхунна т1аьха къар ца луш.

Суьйре т1е еъна, х1ара шиъ асар дина а даьлла.

Т1аккха шен метиг белш т1е а тесна мотт баьстина несо: «Боккхачу дехка ц1е йолу к1ант, вайшиммо асар ца дина бохучунна къематдийнахь ялсмане хьарам йойла-кх», – аьлла.
😂😂😂😂😂

Анекдоты
Комментарии 0
Пока нет комментариев
Извините, для вас комментирование недоступно
Ко всем записям

Поделиться ссылкой
Реклама

Создание сайтов в г. Грозном
Мы, студия “Вай Хостинг”, сделаем все возможное для того, чтобы сайт нравился вам и вашим клиентам